ओबामाद्वारा इबोला कार्यक्रमका प्रमुखसँग परामर्श

कात्तिक ५, वासिङ्टन  उक्त नीतिका लागि अमेरिकी प्रमुख रोन क्लेनले राष्ट्रपति ओबामालाई भेट्दै छन् । त्यस क्रममा उनले अमेरिका तथा विश्वमा नै यसको सङ्क्रमणका बारेमा राष्ट्रपति ओबामालाई जानकारी गराउनु छन् ।

क्लेनले हालैका दिनमा एक खतरानाक रोगका रुपमा देखिएको इबोलाको नियन्त्रणका लागि भइरहेका अमेरिकी र अन्य देशका प्रयासहरुका बारेमा जानकारी गराउने छन् ।

 अमेरिकामा पनि यस सङ्क्रमणको खतरा बढेपछि राष्ट्रपति ओाबामाले बारम्बार यसको खतरा रोक्नका लागि अमेरिकी अधिकारीहरुलाई आग्रह गरिरहेका छन् ।

साथै उनले संयुक्त राष्ट्रसंघका महासचिव बान कि मुन तथा विश्वका नेताहरुलाई नै टेलिफोन सम्पर्क गरी यसका विरुद्धमा आवश्यक प्रतिरोधक मापदण्डहरु अपनाउन आग्रह गरेका छन् ।
सुरुमा पश्चिम अफ्रिकी राष्ट्रहरुबाट सुरु भएको यसको सङ्क्रमण गत महिनादेखि नै अमेरिकामा पनि प्रवेश गरेको हो ।

यसले युरोपका पनि कतिपय देशमा त्रास फैलाएको छ । स्पेनमा त यसका बिरामी नै भटिएको र उपचार जारी रहेको बताइएको छ । यसको उपचार भने त्यति प्रभावकारी हुन सकिरहेको छैन ।