अब कतार एयरवेजको पैसा भुक्तानी गर्न नयाँ अफलाईन सेवा शुरु

काठमाण्डौं, कार्तिक १२ – कतार एयरवेजले आफ्ना यात्रुहरुको सहजताको लागि वेब साईट www.qatarairways.com/np मार्फत टिकट बुुकिङ्ग गरेका यात्रुहरुले अफलाईन मार्फत नै पैसा भुत्तानी गर्न सकिने व्यवस्था शुरु गर्ने घोषणा गरेको छ ।

यो नयाँ प्रणाली मार्फत यात्रुहरुले अनलाईन मार्फत बुकिङ्ग गर्नु भएको टिकटको पैसा भुत्तानी गर्न ४८ घण्टा भित्र स्टान्डर्ड चार्टर बैंकको कुनै पनि नजिकको ब्रान्चमा गई चुक्ता गर्न सक्नेछन् । क्रेडिट कार्ड मार्फत पनि यो सुविधा उपयोग गर्न सकिने छ । यसरी यो नयाँ प्रविधि मार्फत प्राप्त गरिने सेवामा कुनै पनि थप शुल्क लाग्ने छैन ।

कतार एयरवेज ग्रुपका प्रमुख कार्यकारी अक्बर अल बकरले यात्रुहरुको सहजताको लागि पैसा भुत्तानीमा अरु पनि विकल्पका रुपमा यो योजना ल्यार्ईएको बताए । उनले भने, “हाम्रा यात्रुहरुलाई कुनै पनि बेला जहाँ पनि टिकट बुकिङ्गमा सहजताहोस भन्ने हेतुले यो योजना ल्याईएको हो । नविन प्रविधि अङ्गाल्दै आएको कतार एयरवेज आफ्ना यात्रुहरुलाई सधैं उच्च प्राथमिकतामा राखि सर्वश्रेष्ठ सेवा प्रदान गर्दै उच्चतम भ्रमणका लागि प्रतिबद्ध रहेको छ ।”

अन लाईन मार्फत टिकटिङ्गमात्र नभई, सुचारित फ्लाईट गतिविधि लगायत कतार एयरवेजको विभिन्न देशको विभिन्न होटलहरु र ट्याक्सी पार्टनरहरु संगको सहकार्य मार्फत यी सेवाहरु लिन पनि सकिनेछ । यसका अलावा टिकट बुकिङ्ग पश्चात गरिएको अफलाईन भुक्तानी पश्चात यात्रुहरुले आफ्नो रुची अनुरुप आफुले चाहेको सिट र खाना अर्डर गर्न सक्नुहुनेछ ।

कतार एयरवेजले हाल काठमाण्डौंबाट दैनिक तीन उडान भरिरहेको छ भने दोहा हुंदै विश्वको १ सय ४० स्थानहरुमा उडान भर्दछ । काठमाण्डौं देखि दोहा हुंदै उटान भर्ने प्रमुख गन्तव्य स्थानहरु लण्डन, फिलाडेल्फिया, वासिङ्गटन डिसी, फ्«याङफर्ट र न्युयोर्क रहेका छन् ।

स्थापनाको पहिलो बर्ष देखिनै तीब्र गति लिएको कतार एयरवेज १७ औं बर्षमा आईपुग्दा हाल १ सय ३६ विमान रहेको छ ।