हामीले २ अर्ब दिन नसकेकाले नन्दप्रसादको अनसन तोडाउन सकियन : गृहमन्त्री गौतम

वीर अस्पतालमा उपचारका क्रममा नन्दप्रसाद अधिकारी ।

न्याय दिलाउन निरन्तरत प्रयास गरेको तर अटेर गरेर अनसन बसिरहेका कारण दुःखद घटना भएको गौतमको दावी छ । ‘औषधीको रुपमा सबै खुवाइयो । जो निकै महंगा थिए । तर, नाशाबाट रगतमा गए पनि शरीरमा पुगेन । शरीरका अंगहरु निश्कृय हुँदै गए’-गौतमले भने ।
प्रचण्डले पनि भेटेका थिए नन्दप्रसादलाई
अनसन तोडाउने प्रयासमा पूर्वप्रधानमन्त्री एवं एमाओवादी अध्यक्ष प्रचण्डले समेत अधिकारी दम्पत्तिलाई भेटेको गौतमले जानकारी दिए । उनले भने-‘प्रचण्डलाई देखेर मुख छाडेर गाली गर्न थाले । अनसन तोड्न मानेनन् । प्रधानमन्त्री सुशील कोइराला र म गएर पनि सम्झाउने प्रयास गरेका थियौं ।’
गृहमन्त्री गौतमले द्वन्द्वकालमा भएका केही गम्भीर प्रकृतिका घटनामा कारबाही गर्न एमाओवादी पनि तयार रहेको बताए। यसका लागि छिटो सत्य निरुपण र बेपत्ता छानविन आयोग बनाउनु पर्ने उनको जोड थियो ।